سنڌ جي گورنر ڪامران خان ٽيسوري ڪراچي ۾ پيپلز پارٽي جي ڪو چيئرمين ۽ اڳوڻي صدر آصف علي زرداري سان اهم ملاقات ڪئي آهي، جنهن ۾ ڪراچي شهر جي ترقياتي منصوبن سميت مختلف معاملن تي غور ويچار ڪيو ويو. ايڪسپريس نيوز مطابق گورنر ڪامران ٽيسوري اڳوڻي صدر آصف علي زرداري سان بلاول هائوس ۾ ملاقات ڪئي، ان دوران گورنر پ پ جي شريڪ چيئرمين کان طبيعت پڻ پڇي. آصف زرداري ۽ گورنر ڪامران ٽيسوري جي ملاقات دوران ملڪ جي مجموعي سياسي صورتحال، سنڌ جي مسئلن، ٻوڏ متاثرن جي بحالي لا قدم کڻڻ ۽ ڪراچي جي ترقياتي منصوبن تي خيالن جي ڏي وٺ ڪئي وئي. ان موقعي تي آصف علي زرداري گورنر ڪامران ٽيسوري لا نيڪ خواهشن جو اظهار ڪيو.
