آرمي چيف جنرل قمر جاويد باجوا ڪراچي ۾ عالمي دفاعي نمائش آئيڊياز 2022 جو دورو ڪيو. پاڪ فوج جي عام لاڳاپن واري شعبي (آءِ ايس پي آر) موجب آرمي چيف ڪراچي جي دوري دوران آئيڊياز 2022 جو دورو ڪيو، جتي ليفٽيننٽ جنرل محمد سعيد سندس استقبال ڪيو. آءِ ايس پي آر موجب جنرل باجوه آئيڊياز ٽور جي موقعي تي نمائش ۾ لڳايل مختلف اسٽالن جو معائنو ڪيو، جڏهن ته بحرين، اٽلي، گڏيل عرب امارات (يو اي اي) ۽ ٻين ملڪن جي وفدن سان پڻ ملاقات ڪئي. انٽر سروسز پبلڪ رليشنز موجب، بعد ۾ آرمي چيف ملير گيريژن جو الوداعي دورو ڪيو، جتي هن شهيدن جي يادگار تي حاضري ڀري ۽ فاتحه خواني ڪئي. آءِ ايس پي آر موجب جنرل قمر جاويد باجوا ملير گيريزن جي دوري دوران آفيسرن ۽ جوانن کي خطاب ڪيو ۽ ٻوڏ متاثرن جي امداد لاءِ سندن خدمتن کي ساراهيو.
