آرمي چيف جنرل قمر جاويد باجوا جا الوداعي دورا جاري آهن. آ ايس پي آر مطابق پاڪ فوج جي سربراهه جنرل قمر جاويد باجوا بهاولپور ۽ اوڪاڙا جو الوداعي دورو ڪري شهيدن جي يادگار تي گلن جي چادر چاڙهي ۽ فاتحا خواني پڻ ڪئي. آءِ ايس پي آر موجب آرمي چيف بهاولپور ۽ اوڪاڙا ۾ فارميشن آفيسرن ۽ جوانن سان ڳالهه ٻولهه ڪئي، جنهن بعد خيرپور ٽاميوالي ۾ انٽيگريٽيڊ فائر پاور مينيوور مشق جو پڻ مشاهدو ڪيو. آءِ ايس پي آر مطابق بهاولپور ڪور جي جوانن، فائٽر جيٽس ۽ ڪوبرا گن شپ هيليڪاپٽرن مشق ۾ حصو ورتو، فوجي جوانن جنگي ميدان جي ماحول ۾ گڏيل فائر پاور جو مظاهرو ڪيو. ان موقعي تي آرمي چيف جنرل قمر جاويد باجوا جوانن جي تربيت جي معيار، آپريشنل تيارين، آفيسرن ۽ جوانن جي بلند حوصلي جي ساراهه ڪئي.
