آرمي چيف جي مقرري روڪيو، شهري عدالت پهچي ويو،درخواست رد، ڏنڊ لاڳو

سنڌ هاءِ ڪورٽ نئين فوجي سربراهه جي مقرري روڪڻ لا داخل درخواست رد ڪري شهري تي 10 هزار رپيا ڏنڊ لاڳو ڪري ڇڏيو. ها ڪورٽ ۾ ڪراچي واسي شبير اسلم آرمي چيف جي مقرري روڪڻ لا درخواست داخل ڪئي، جيڪا عدالت رد ڪري ڇڏي. هاءِ ڪورٽ درخواستگذار تي 10 هزار رپيا ڏنڊ پڻ لاڳو ڪيو. عدالت پنهنجي رمارڪس ۾ چيو ته آرمي چيف کي مقرر ڪرڻ يا مقرري روڪڻ اسان جو ڪم ناهي.