جهنڊومري ۾ 15 سالن کانپو کليل اسڪول ۾ فرنيچر اڻلڀ، عمارت به زبون

عثمان شاهھ ھڙي: جهنڊومري ۾ 15 سالن کانپو کليل اسڪول ۾ شاگردن جي ويهڻ لا فرنيچر به نه مليو، سڄي عمارت ٻوڏ سبب زبون ٿي وئي. جهنڊو مري جي يوسي ميرآباد جي ڳوٺ ڦوٽو خاصخيلي ۾ گورمينٽ پرائمري پيار علي خاصخيلي جي نالي سان قائم اسڪول ۾ 15 سالن کانپو استاد مقرر ڪري اسڪول کوليو ويو آهي، اسڪول ۾ هن وقت 80 کان وڌيڪ شاگرد ۽ شاگردياڻيون داخل آھن. اسڪول کي 1995ع ۾ بلڊنگ ملي، پر گذريل ٻن مھا ٻوڏن ۾ عمارت زبون ٿي چڪي آهي، اسڪول ۾ شاگردن جي ويهڻ لا فرنيچر به ناهي، جنهن سبب شاگرد ۽ شاگردياڻيون پٽ تي ويهي تعليم پرائڻ تي مجبور آهن. تعليم کاتي جي مقامي عملدارن اسڪول کولڻ باوجود شاگردن لا فرنيچر ڏيڻ جي زحمت نه ڪئي، نه ئي ٻيون سهولتون ڏنيون. اعلى عملدارن به مرمت لا ڪي اپا نه ورتا. ان سلسلي ڳوٺ جي معززن غلام محمد خاصخيلي، الهڏتو خاصخيلي، سعيد خان، قبول احمد خاصخيلي تعليم کاتي جي اعلى عملدارن کان مطالبو ڪيو ته ڳوٺ ۾ قائم سرڪاري زبون اسڪول جي عمارت جي مرمت ڪرائي شاگردن لا فرنيچر فراهم ڪيو وڃي.