گڏيل قومن جي جنرل اسيمبلي علائقائي ۽ عالمي امن ۽ سلامتي کي مضبوط بڻائڻ لاءِ پاڪستان جي پيش ڪيل ۾ هٿيارن جي خاتمي جي 4 قراردادن جي منظوري ڏني آهي. هي قرارداد پاڪستان جي علائقائي ۽ عالمي امن ۽ سلامتي کي مضبوط بنائڻ جي عزم جو اظهار ڪن ٿا. قراردادن جي سفارش 193 رڪني جنرل اسيمبلي جي هٿيارن جي خاتمي ۽ بين الاقوامي سلامتي جي فرسٽ ڪميٽي ڪئي هئي. قراردادن جي مسودن کي اڪثريتي حمايت سان منظور ڪيو ويو هو. جنرل اسيمبلي ۾ پاڪستان جي پيش ڪيل ٽي قراردادون علائقائي هٿيارن جي خاتمي، علائقائي ۽ ذيلي علائقائي سطح تي روايتي هٿيارن جي ڪنٽرول ۽ علائقائي ۽ ذيلي علائقائي روشني ۾ اعتماد سازيءَ جي قدمن بابت قراردادون شامل آهن، جڏهن ته چوٿين قرارداد ايٽمي هٿيار نه رکندڙ رياستن لاءِ بين الاقوامي سلامتي کي يقيني بڻائڻ بابت آهي. ايٽمي هٿيار نه رکندڙ رياستن جي تحفظ کي يقيني بڻائڻ لاءِ ايٽمي هٿيارن جي استعمال يا استعمال جي خطري خلاف مؤثر بين الاقوامي قدمن جي نتيجي جي عنوان سان قرارداد جي حمايت ۾ 120 ووٽ پيا ۽ ڪنهن به ميمبر ملڪ مخالفت ۾ ووٽ نه وڌو، جڏهن ته 60 ملڪن راءِ شماري ۾ حصو نه ورتو. قرارداد مطابق اسيمبلي ان ڳالهه کي تسليم ڪيو ته ايٽمي هٿيارن جو خاتمو ايٽمي جنگ جي خطري کي ختم ڪرڻ لاءِ ضروري آهي، اسيمبلي ايٽمي هٿيار نه رکندڙ ملڪن جي تحفظ کي يقيني بڻائڻ لاءِ ايٽمي هٿيارن جي استعمال يا استعمال جي خطري کي روڪڻ بابت معاهدو طئي ڪرڻ جي فوري ضرورت جي توثيق ڪئي. قرارداد ۾ رياستن خاص طور تي ايٽمي هٿيار رکندڙ رياستن کي اپيل ڪئي وئي آهي ته هو ان حوالي سان قانوني قدم کڻن. علائقائي ۽ ذيلي سطح تي روايتي هٿيارن تي ڪنٽرول جي عنوان سان پيش ڪيل قرارداد جي حمايت ۾ 182 ووٽ پيا، ڀارت واحد ملڪ هو جنهن ان قرارداد جي مخالفت ۾ ووٽ ڏنو، جڏهن ته هڪ ميمبر ملڪ راءِ شماريءَ ۾ حصو نه ورتو. قرارداد جي متن ۾ علائقائي روشني ۾ ڏکڻ ايشيا ۾ روايتي فوجي خطري طرف ڌيان ڇڪرايو ويو ۽ ان بابت خطرن کي منهن ڏيڻ لاءِ قدم تجويز ڪيا ويا. علائقائي هٿيارن جي خاتمي ۽ علائقائي ۽ ذيلي علائقائي روشنيءَ ۾ اعتماد سازي جي قدمن بابت ٺهرا اتفاق راءِ سان منظور ڪيا ويا. علائقائي ۽ ذيلي علائقائي سطحن تي روايتي هٿيارن جي ڪنٽرول بابت قرارداد ۾ ان ڳالهه کي تسليم ڪيو ويو ته رياستن جي دفاعي صلاحيتن ۾ توازن برقرار رکڻ ۾ امن ۽ استحڪام مضبوط ٿئي ٿو.
