رافيل نڊال صحتياب نھ ٿي سگهڻ تي بارسلونا اوپن هٿ کڻي ويو

اسپين سان تعلق رکندڙ ٽينس جو ورلڊ اسٽار رافيل نڊال زخمي ٿيڻ بعد اڃا تائين صحتياب نھ ٿي سگهيو آهي، جنهن سبب هو بارسلونا اوپن ٽينس ٽورنامينٽ تان هٿ کڻي ويو آهي. ميڊيا مطابق 36 ورهين جي ٽينس اسٽار چيلهه جي تڪليف ۾ مبتلا آهي، جنهن سبب هو مونٽي ڪارلوس ماسٽرز ٽورنامينٽ ۾ پڻ نھ کيڏي سگهيو هو. رافيل نڊال جو چوڻ آهي تھ بارسلونا اوپن منهنجو هوم ڪلب آهي، تنهنڪري ان ۾ کيڏڻ سدائين فخر جوڳو سمجهندو آهيان، پر مان اڃا مقابلي لا تيار ناهيان.