پنجاب جي نگران وڏي وزير جي راندين بابت صلاحڪار وهاب رياض ايندڙ مهيني رٿيل 34هين نيشنل گيمز ڪوئٽا جي موقعي تي پنجاب جي ميڊلسٽ ايٿليٽس کي هڪ کان 5 لک رپين تائين روڪ انعام ڏيڻ جو اعلان ڪيو آهي. ميڊيا مطابق راندين بابت صوبائي صلاحڪار سماجي رابطن واري پيج تي جاري ڪيل بيان ۾ چيو آهي تھ تاريخ ۾ پهريون ڀيرو ايٿليٽس کي ميڊلز جي بنياد تي کين روڪ انعام ڏئي رهيا آهيون، جن ۾ گولڊ ميڊلسٽ ٽيم کي 10 لک رپيا، سلو ميڊلسٽ کي 5 لک رپيا ۽ برائونز ميڊلسٽ کي اڍائي لک رپيا ڏنا ويندا. اهڙي ريت رانديگرن ۾ گولڊ ميڊلسٽ کي 5 لک رپيا، سلور ميڊلسٽ واري لاءِ اڍائي لک ۽ برائونز ميڊلسٽ هڪ لک رپيا انعام کڻندو.
