نبي سر ۾ ٻارن جي حوصلا افزائي تقريب، شيلڊز ۽ انعام ڏنا ويا

نبي سر روڊ: نبي سر ٿر ۾ ٻارن جي حوصلا افزائي لاءِ تقريب منعقد ڪئي وئي. جي سي ٽي اسڪول نبي سرٿر ۾ اسڪول جي پرنسپال شرافت علي چانڊيو ۽ انتظاميه پاران پوزيشن ماڻيندڙ شاگردن جي اعزاز ۾ تقريب ڪوٺائي وئي، ان موقعي تي اسڪول جي استادن والدين ۽ علائقي جي معزز شخصيتن ميانداد چانڊيو، نعمان درس، باعيد خاصخيلي، نثار احمد، قربان گشڪوري ۽ ٻين وڏي انگ ۾ شرڪت ڪئي تقريب ۾ اسڪول جي شاگردن ۽ شاگردياڻين تقريرون ٽيبلوز ۽ ملي نغما پيش ڪري خوب داد حاصل ڪيو. ان موقعي تي ٻارن کي شيلڊز ۽ انعام ڏنا ويا.