مٺي: ٿر جي ضلعي ڪائونسل، ميونسپل ڪميٽي مٺي ۽ 6 ٽائون ڪميٽيز تي چيئرمين ۽ نائب چيئرمين اميدوارن لاڳاپيل آر اوز وٽ نامزدگي فارم جمع ڪرائي ڇڏيا. ضلعي ڪائونسل ٿر تي پ پ جي نامزد ضلعي چيئرمين لا ڊاڪٽر غلام حيدر سميجو ۽ نائب چيئرمين لا ڪملا ڀيل نامزدگي فارم جمع ڪرايا، سندن سامهون ڪنهن به مخالف اميدوار نامزدگي فارم جمع نه ڪرايو. ميونسپل ڪميٽي مٺي تي پ پ جي نامزد چيئرمين لا اميدوار ڊاڪٽر منوج ڪمار ملاڻي ۽ نائب چيئرمين لا سمترا منجياڻي به فارم جمع ڪرايا. ٽائون ڪميٽي اسلام ڪوٽ تي پ پ جي نامزد چيئرمين اميدوار ڪمليش ڪمل لهاڻو ۽ نائب چيئرمين لا انيل ڪمار ميگهواڙ، ٽائون ڪميٽي چيلهار تي چيئرمين لا بهاري ميگهواڙ ۽ نائب چيئرمين لا عرس ڪنڀار، ڏيپلو تي چيئرمين لا نواز جوڻيجو ۽ نائب چيئرمين لا ميٺارام ميگهواڙ، ڇاڇرو تي چيئرمين لا غلام مرتضى بجير ۽ نائب چيئرمين لا محمد ايوب مڱريو، کيمي جو پار تي ممتاز عنايت راهمون چيئرمين ۽ ناٿو خان راهمون نائب چيئرمين لا نامزدگي فارم جمع ڪرايا. ٽائون ڪميٽي ننگرپارڪر تي پي ٽي آئي جي محمد رحيم کوسو چيئرمين ۽ نانگجي ڪولهي نائب چيئرمين لا نامزدگي فارم جمع ڪرايا. ڄاڻايل اميدوارن سامهون مخالفت ۾ ڪنهن به فارم جمع نه ڪرايا، جنهن ڪري کين غير سرڪاري ۽ غير حتمي طور ڪامياب قرار ڏنو ويو. جڏهن ته ضلعي ڪائونسل سميت ڪجهه ٽائون ڪميٽين تي مک اميدوارن جي ڪورنگ اميدوارن جا نامزدگي فارم جمع ٿيل هجڻ ۽ ڪاغذن جي جاچ پڙتال جو مرحلو مڪمل نه ٿيڻ ڪري باضابطا سندن ڪاميابي جون نوٽيفڪيشن جاري ٿي نه سگهيو.
