ورڪشاپ: ورڪشاپ ويجهو منڍ جمڙائو واسي پورھيت 35 ورھين جي تاج محمد جکراڻي جو لاش نارا ڪئنال مان مليو، مال چاريندڙ ڌنارن لاش ڏسي ڳوٺاڻن کي اطلاع ڪيو، ڳوٺاڻن نارا ڪئنال ۾ لڙھندڙ لاش ڪڍي لاش جي سڃاڻپ منڍ جمڙائو واسي پورھيت 35 ورھين جي تاج محمد جکراڻي طور ڪئي. پورهيت جي ڀا شادي خان جکراڻي “سنڌ ايڪسپريس” کي ٻڌايو ته منهنجو ڀا ھڪ ڏينهن اڳ مزدوري ڪرڻ لاءِ گهران ڪراچي لاءِ نڪتو ھو، پر سندس لاش اڄ نارا ڪئنال مان مليو آھي، سمجھه ۾ نٿو اچي ته هن پاڻ خودڪشي ڪئي آھي يا ڪنهن کيس قتل ڪري نارا ڪئنال ۾ اڇلايو ويو، اسان جي ڪنهن سان به ڪا دشمني ناھي. ٻئي طرف منڍ جمڙائو پوليس ٻڌايو ته فوتي جي وارثن پاران ڪو شڪ ظاھر ناھي ڪيو، نه ئي وري فوتي جو پوسٽ مارٽم ڪرائڻ ٿا چاھين، جيڪڏھن ھو ڪو شڪ ظاھر ڪندا ته گهڻ رخي جاچ ڪري حقيقتون سامهون آڻينداسين.
