ڪراچي: پي پي چيئرمين ۽ پرڏيهي وزير بلاول ڀٽو زرداري ڪراچي جي ميئر ۽ ڊپٽي ميئر جيالا چونڊجڻ کي پارٽي لاءِ هڪ تاريخي ڪاميابي ۽ ان اڳڀرائي کي پاڪستان جي فتح قرار ڏنو آهي. ميڊيا سيل بلاول هائوس پاران جاري ڪيل بيان مطابق پي پي چيئرمين، مرتضى وهاب صديقي کي ڪراچي جو ميئر ۽ سلمان عبدالله مراد کي ڊپٽي ميئر چونڊجڻ تي مبارڪ ڏني ۽ چيو ته هي ڪاميابي ڪراچي جي جيالن جي ڊگهي جدوجهد ۽ قربانين جو ثمر آهي. هن چيو ته ملڪ جي معاشي حب ۾ نفرت ۽ تقسيم واري سياسي پنهنجي پڄاڻي تي پهتي ۽ بيشڪ جمهوريت بهترين بدلو آهي.
هن چيو ته ڪراچي جي هر گهٽي هر پاڙو ۽ هر علائقي جا بلدياتي مسئلا بنا فرق حل ڪنداسين. هن چيو ته مرتصيٰ وهاب ۽ سلمان عبدالله مراد سميت پي پي جي سمورن چونڊيل نمائندن جي ڪلهن تي هاڻي وڏيون ذميواريون آهن پر مون کي يقين آهي ته ماضي ۾ سخت حالتن جو مقابلو ڪندڙ جيالا هن ڀيري به پنهنجون ذميواريون بهتر نموني سان نڀائي هڪ نئين تاريخ رقم ڪندا.
