عمرڪوٽ: ڇور شهر ۾ موٽرسائيڪلن چنگچي رڪشا سان ٽڪرائجي وئي، جنهن جي نتيجي ۾ نينگر سميت 2 ماڻهو فوت ٿي ويا. عمرڪوٽ جي علائقي ڇور شھر ۾ الرحيم ڪالوني ويجھو ٿر فلور ملز وٽ تيز رفتار موٽرسائيڪل چنگچي رڪشا سان ٽڪرائجي وئي، حادثي سبب موٽرسائيڪل تي سوار ڳوٺ اسماعيل ڍاڻي جو رھواسي 34 سالن جو مولوي حيات نھڙي ۽ چنگچي رڪشا ۾ اڳين پاسي سوار ڳوٺ حويلي جو رھواسي 15 سالن جو نينگر مھيد پٽ محمد حسن سميجو ٿڏي تي فوت ٿي ويا، حادثي ۾ 2 ڄڻا زخمي ٿي پيا، اطلاع تي ڇور پوليس پھچي حادثي واري هنڌ پهچي وئي، جنهن لاش ۽ زخمين کي کڻائي تعلقي اسپتال عمرڪوٽ منتقل ڪيو، جتان فوتين جا لاش ضروري ڪاروائي بعد وارثن حوالي ڪيا ويا، جيڪي گهر آندا ويا ته ڪهرام مچي ويو، فوتين جي اباڻي قبرستانن ۾ تدفين ڪئي وئي.
