پاڪستان جي سينيئر اداڪارا گل رعنا حقيقي زندگي ۾ سس بڻجڻ کي مزيدار قرار ڏئي ڇڏيو آهي. هن جو چوڻ آهي تھ سس، بس سٺي انسان هجڻ گهرجي. ميڊيا کي ڏنل هڪ انٽرويو ۾ هن جو چوڻ هو تھ مان بدتميزي برداشت ناهيان ڪندي، پٽ عاصم اظهر کي کليل لفظن ۾ چئي ڇڏيو آهي تھ مون کي بدتميزي نھ گهرجي. هن چيو تھ ننهن کي گهرن جي ڪمن ڪرڻ جي مشين طور سمجهڻ انتهائي غلط ڳالهه آهي. هڪ سوال جي جواب ۾ هن چيو تھ ولن ناڪاري ڪردار هجڻ ڪري ماڻهو اداڪار کي غلط سمجهڻ جي غلطي ڪن ٿا، جڏهن تھ مصطفيٰ قريشي کان ماڻهو ڊڄندا هئا، پر ذاتي زندگي ۾ شريف انسان آهي.
