منشيات ڪيس ۾ آريان خان جي ٻن ساٿين سميت ضمانت منظور

بالي ووڊ جي ڪنگ شاهه رخ خان جي پٽ آريان خان ۽ سندس ٻن ساٿين جي منشيات ڪيس ۾ ضمانت منظور ٿي وئي آهي، پر سندن آزادي اڄ عمل ۾ ٿيندي. ميڊيا مطابق شاهه رخ خان جي پٽ آريان جي ضمانت ممبئي هائي ڪورٽ منظور ڪري ورتي آهي. جڏهن تھ ممبئي هائي ڪورٽ ۾ ٻڌڻي دوران منشيات ڪيس ۾ ارباز مرچنٽ ۽ منمن ڌميچا بھ ضمانت ماڻي ورتي آهي. عدالت ۾ اين سي بي وڪيل ٽنهي جوابدارن جي ضمانت جي مخالفت ۾ دليل ڏنا. ڪيس جي ٻڌڻي ڪندڙ جج پنهنجي فيصلو ۾ ٻڌايو تھ فيصلو (سڀاڻي) اڄ ڏيندس، تنهنڪري جوابدار ايستائين آزاد نھ ٿيندا.