ڀارتي اداڪار جي عطيو ڪيل اکين سان 4 ڄڻا ڏسڻ لائق ٿي ويا

دل جي دوري سبب 5 ڏينهن اڳ فوت ٿيل ڀارتي فلم انڊسٽري سان تعلق رکندڙ سپر اسٽار پنيت راج جون اکيون ضرورتمند کي عطيو ڪري ڏنيون ويون آهن. ڪناڊا فلمن جي سپراسٽار پنيت راج ڪمار 29 آڪٽوبر تي دل جي دوري سبب فوت ٿي ويو هو، اداڪار پنيت پنهنجي زندگي ۾ فلاحي ڪمن لا مشهور هو ۽ کيس اپو جي نالي سان به سڏيو ويندو هو. پنيت راج ڪمار طرفان اکيون عطيو ڪرڻ سبب 4 نوجوان کي اکين جو نور واپس مليو آهي، جنهن ۾ 3 مرد ۽ هڪ عورت شامل آهي، انهن جي گذريل ڏينهن سرجري ڪئي وئي هئي.