جينيفر، سلما، ڪوٽيلارڊ، ڊيانا پينٽي ۽ ٻين جا ڪينز ميلي ۾ جلوا

ڪينز فلم فيسٽيول جي جاري تقريبن دوران هالي ووڊ جي خوبصورت اداڪارائن سلما هائيڪ، جينيفر لارينس، ڪوٽيلارڊ، ڊيانا پينٽي ۽ ٻين جا ڪينز ميلي ۾ جلوا ڏيکاريا آهن. ميڊيا مطابق ڪينز فلم فيسٽيول جي ڪالهه وارين تقريبن ۾ هالي ووڊ جينيفر لارينس، مورين ڪوٽيلارڊ، سلما هائيڪ، ڊيانا پينٽي، سوڊان، فرانس، آمريڪا ۽ بين ملڪن جي مشهور اداڪلارائن ريڊ ڪارپيٽ تي ڪيٽ واڪ ڪري چار چنڊ لڳائي ڇڏيا آهن. هوڏانهن ڊيانا پينٽي ۽ جولياني مور ۾ ملاقات ڌيان جو مرڪز رهي،

جڏهن تھ فوٽو ڪال سيشن تي بھ رش رهي، جتي ڪيترين ئي ادڪارائن توڙي اداڪارن اچي پوز ڏنا. ٻئي پاسي سوڊان جي فلم گڊبائي جوليا، آمريڪا جي مئي ڊسمبر ۽ فرينچ لٽل گرل بليو بھ ڇانيل رهيون. هوڏانهن پاڪستاني فلم ان فليمز جي پيش ٿيڻ تي هال تاڙين سان گونجي ويو، جنهن تي عدنان ٽيپو جذباتي ٿي ويو.