قمبر ۾ سنڌ ترقي پسند پارٽي پاران يوريا ڀاڻ جي هٿرادو کوٽ خلاف بس اسٽينڊ کان احتجاجي ريلي ڪڍي پريس ڪلب اڳيان مظاهرو ڪيو ويو. ان موقعي تي اڳواڻن الله بخش جاگيراڻي، عبدالوحيد جاگيراڻي، رضوان علي، محمد عالم نوناري، عاشق جاگيراڻي ۽ ٻين دانهيندي چيو آهي ته ڀاڻ جي ڊيلرن ھٿرادو کوٽ ڪري اسان غريب ھارين جو جيئڻ جنجال ڪري ڇڏيو آهي. اسان جو جياپو هارپي ۽ فصل تي آهي، جڏهن ته يوريا ڀاڻ جي قيمت 1768 رپيا آھي جيڪا ٻوري اسان غريبن کي 3 هزار ۾ ڏني پئي وڃي. هنن اختيارين کان گھر ڪئي ته ڀاڻ جي کوٽ ختم ڪري غريب هارين سان انصاف ڪيو وڃي.
