لاڙڪاڻي ۾ تيز رفتار موٽرسائيڪل تان ڪري 10 ورهين جو نينگر فوت ٿي ويو. خبر موجب لاڙڪاڻي جي نيو بس اسٽينڊ روڊ تي 10 ورهين جو نينگر مزمل پٽ نادر علي جتوئي موٽرسائيڪل تان ڪري رڪشي هيٺيان چيڀاٽجي سخت زخمي ٿي پيو، جنهن کي ڳڻتي جوڳي حالت ۾ چانڊڪا اسپتال ۾ داخل ڪرايو ويو، جتي ڊاڪٽرن نينگر جي فوت ٿيڻ جي تصديق ڪئي. ان موقعي تي فوتي نينگر جي پيءُ نادر علي جتوئي ٻڌايو ته مان پٽ سان گڏجي موٽرسائيڪل تي لهر ڪالوني وڃي رهيو هيس ته نيو بس اسٽينڊ روڊ تي منهنجو پٽ موٽرسائيڪل تان ڪري رڪشي هيٺيان چيڀاٽجي فوت ٿي ويو. ٻئي طرف ضروري ڪارروائي بعد فوتي نينگر جو لاش وارث گهر کڻائي ويا، جتي لاش گهر پهچڻ تي ڪهرام مچي ويو.
