ڪرمپور ويجهو کرڙو شاخ روڊ تي هٿياربندن مزدا ڊرائيور کي اغوا ڪرڻ جي ڪوشش ڪئي. رات جو دير سان چار هٿياربندن مزدا گاڏي کي روڪڻ جي ڪوشش ڪئي ته ڊرائيور گاڏي ڀڄائي پوليس چوڪي تي پهتو. هٿياربندن گاڏي تي سڌيون گوليون وسايون، جنهن جي نتيجي ۾ گاڏي جا شيشا ٽٽي پيا ۽ ٽائر برسٽ ٿي ويا. کرڙو شاخ تي ڪرمپور ٿاڻي جي چوڪي تي موجود اهلڪارن جي فائرنگ بعد هٿياربند فرار ٿي ويا. ڊرائيور عبدالوحيد پهوڙ ٻڌايو ته جعفري برادري جي ڳوٺ ۾ يوريا ڀاڻ لاهي واپس وڃي رهيا هئاسين ته چار هٿياربندن گاڏي اڳيان اچي هٿيار سڌا ڪيا، گاڏي نه بيهارڻ تي هٿياربندن سڌي فائرنگ ڪئي. اطلاع تي ٺل بي سيڪشن پوليس ۽ پهوڙ برادري جا ماڻهو واقعي واري هنڌ پهچي پوليس جا پيرا کنيا بيگاري ڪئنال لنڪ روڊ تي وڃائي پوليس واپس موٽي آئي.واقعي جو ڪيس داخل نه ٿي سگهيو هو.
