ڪنڊيارو ڀرسان سڱاوتي تڪرار تان نوجوان گوليون هڻي قتل

ڪنڊيارو ڀرسان ڳوٺ ڪونڊو لاکو جي ٻن ڌرين ۾ جهيڙو ٿي پيو. جنهن جي نتيجي ۾ گوليون لڳڻ ڪري نوجوان شڪيل لاکو قتل ٿي ويو، تعلقه اسپتال مان ضروري ڪارروائي بعد لاش وارثن حوالي ڪيو ويو ته روڄ راڙو مچي ويو. اسپتال ۾ موجود مقتول نوجوان جي ڀا ممتاز لاکو ٻڌايو ته منهنجو ڀا پاڻي جي واري تي ويل هو ته سڱاوتي تڪرار تان برادري جي هٿياربندن حملو ڪري کيس قتل ڪري ڇڏيو. ٻئي طرف پوليس جو چوڻ آهي ته ڌرين ۾ پراڻو تڪرار هلندڙ آهي، وڌيڪ جاچ ڪئي پئي وڃي. آخري اطلاع تائين واقعي جو ڪيس داخل نه ٿي سگهيو.