سڳيون ڀرسان ڳوٺ شاھنواز ڀٽي ۾ رياض حسين ڀٽي جي گهر ۾ پيل بھه ۽ ڪمند جي پلال ڇهي کي ڦٽاڪن مان باهه لڳي وئي، جنهن ۾ راند کيڏندڙ ٻن ڀيڻ ۽ ڀاءُ سميت هڪ ئي گهر جا 4 معصوم ٻار 8 سالن جو مهدي حسن پٽ رياض حسين ڀٽي، 7 سالن جو وقار احمد پٽ محمد حسن ڀٽي، 6 سالن جو ضمير حسين پٽ ظهير حسين ڀٽي ۽ 4 سالن جي نياڻي عارفه ڌي رياض حسين ڀٽي باهه ۾ سڙي سخت زخمي ٿي پيا، جن کي وارثن فوري طور سڳيون جي پي پي ايڇ آ اسپتال آندو، جتي اسپتال ۾ بيڊ ۽ ايمبولينس جي سهولت نه هجڻ ڪري هڪ ڪلاڪ تائين زخمي ٻار بينچن تي تڙپندا رهيا، جنهن کانپو کين فرسٽ ايڊ ڏئي نازڪ حالت ۾ گمبٽ جي گمس اسپتال منتقل ڪيو، جتي زخمين مان 3 معصوم ٻار 8 سالن جو مهدي حسن پٽ رياض حسين ڀٽي، 7 سالن جو وقار احمد پٽ محمد حسن ڀٽي ۽ 4 سالن جي عارفه ڌيءَ رياض حسين ڀٽي زخمن جا سور نه سهندي فوت ٿي ويا، جڏهن ته زخمي ضمير حسين پٽ ظهير ڀٽي کي گمس اسپتال ۾ داخل ڪيو ويو.
