خيرپور (رپورٽ:راشد سمنگ) خيرپور ۾ ٽنڊومستي ڀرسان ڳوٺ لانگاهه ۾ ڪارنھن جي پراڻي تڪرار تان ٻن جيھڙو ٿي پيو، جنهن ۾ 2 ڄڻا قتل ٿي ويا. خبر موجب ٽنڊومستي ڀرسان اڪنامڪ زون ٿاڻي جي حد ڳوٺ لانگاهه ۾ ڪارنھن جي پراڻي تڪرار تان ٻن ڌرين ۾ جھيڙو ٿي پيو، جنھن ۾ گوليون لڳڻ سبب 2 سڳا ڀائر 40 سالن جو محمد حسن پٽ محمد علي لانگاهه ٿڏي تي قتل ٿي ويو، جڏھن ته سندس ڀا علي گل پٽ محمد علي لانگاهه سخت زخمي ٿي پيو، اطلاع تي اڪنامڪ زون پوليس پھچي لاش ۽ زخمي کي سول اسپتال خيرپور کڻي وڃي رهي هئي ته زخمي علي گل لانگاهه رستي ۾ دم ڏئي ڇڏيو. سول اسپتال خيرپور مان ضروري ڪارروائي بعد لاش وارثن حوالي ڪيا ويا، جيڪي ڳوٺ کڻائي ويا، ٻنهي ڀائرن جا لاش گھر نيا ويا ته ڪھرام مچي ويو. آخري اطلاع تائين ڪيس داخل نه ٿي سگھيو ۽ نه ئي اڪنامڪ زون پوليس ڪارروائي ڪئي. جڏهن ته ٻئي ڌريون مورچابند ٿي ويون آهن ۽ ڪنھن به وقت وڏي خونريزي پيش اچي سگهي ٿي.
