رتيديري ويجهو پرائمري استاد کان موٽرسائيڪل ڦر، احتجاج

رتيديري ويجهو پرائمري استاد کان موٽر سائيڪل ڦرجي وئي. خبر موجب رتوديرو شهر ٻاهران قمبر باءِ پاس لاڙي وٽ پرائمري استاد غلام ياسين چانڊيو کان هٿياربند موٽرسائيڪل، روڪ رقم ۽ موبائل فون ڦري فرار ٿي ويا. جڏهن ته ڦر واقعي خلاف رتوديرو پريس ڪلب اڳيان احتجاج ڪيو ويو. ان موقعي تي صدرالدين، امتياز علي، مظهرالدين، علي محمد ۽ ٻين دانهيندي چيو ته رتوديرو شهر ۽ ڀرپاسي بدامني وڌي وئي اهي، ڪو ماڻهو محفوظ ناهي. هنن مطالبو ڪيو ته ڦر ٿيل موٽرسائيڪل ۽ ٻيو سامان واپس ڏياريو وڃي.