رتيديري مان استاد کان ڦريل موٽرسائيڪل واپس نه ٿيڻ خلاف احتجاج

رتيديري ۾ پرائمري استاد غلام ياسين چانڊيو کان ڦر ٿيل موٽرسائيڪل واپس نه ملڻ خلاف احتجاجي مظاهرو ڪيو ويو. ان موقعي تي ساقي ابڙو، غلام رسول چانڊيو، محمد حسن جتوئي، شڪيل احمد، زبير، الهڏنو، گلشير ۽ ٻين رتوديرو پريس ڪلب اڳيان احتجاج ڪندي چيو ته رتوديرو ۽ ڀرپاسي علائقن ۾ بدامني چوٽ چڙهي وئي آهي، هر ڏينهن ڪونه ڪو ڦر جو واقعو ٿي رهيو آهي. پوليس موٽرسائيڪل جي واپسي لاءِ رڳو خالي دلاسا ڏئي رهي آهي. استاد کان ڦر ٿيل موٽر سائيڪل واپس نه ڪرائي وئي ته رتوديرو ٿاڻي اڳيان احتجاج ڪنداسين.