لاڙڪاڻي جي يوسي 10 جي گورنمينٽ پرائمري اسڪول ڪوثر مل جي بلڊنگ جو ڪم نه ٿيڻ خلاف شهرين، والدين ۽ پاڙيوارن احتجاج ڪيو. ان موقعي تي جاويد علي ڀٽو، محمود علي ابڙو، عمران ڪٽپر ۽ ٻين دانهيندي چيو آهي ته گورنمينٽ پرائمري اسڪول ڪوثر مل يوسي 10 جي عمارت زبون حالت ۾ تبديل ٿي وئي آهي. جنهن ڪري اسڪول جي ڇت مان چاپڙ ڪرڻ لڳا آهن. والدين چيو ته اسڪول عمارت اندر جيڪڏهن ڪنهن شاگرد کي نقصان ٿيو ته انهي جي ذميواري سنڌ حڪومت، ضلع انتظاميا تي هوندي. ٻارڙن جي والدين صوبائي وزير تعليم سيد سردار علي شاهه، سيڪريٽري تعليم غلام اڪبر لغاري ۽ ٻين وس وارن کان مطالبو ڪيو ته پرائمري اسڪول ڪوثر مل جي عمارت جو تعمیيراتي ڪم ڪرائڻ سميت ٻيا مسئلا حل ڪيا وڃن نه ته ٻي صورت ۾ ايگزيڪيوٽو ورڪس خلاف گجڻ پور چوڪ وٽ احتجاجي مظاهرو ڪيو ويندو.
