نوان جتوئي جي ملاح پاڙي جو رھواسي 20 سالن جو نوجوان ڪار ڊرائيور رفيق ملاح عورتاڻي آواز تي هرکجي اغوا ٿي ويو، صدمي ۾ مغوي جي ڀيڻ فوت ٿي وئي. ان سلسلي ۾ رابطو ڪرڻ تي سندس سئوٽ عبدالحڪيم ملاح ٻڌايو ته اسان جو همراهه 3 ڏينهن کان گم هو، گهڻي ڳولا باوجود ھٿ نه اچي سگهيو. ھن ٻڌايو ته گذريل رات 12 وڳي اسان کي اغوا ڪندڙ جي فون آئي، جنهن اسان کان 20 لک ڀنگ طلب ڪئي. ھن ٻڌايو ته ڀاءُ جي اغوا جي خبر پوڻ تي سندس ڀيڻ صدمي ۾ فوت ٿي وئي، جنهن کانپو گهر ۾ ڪهرام مچي ويو. ٻئي طرف رابطو ڪرڻ تي ايس ايڇ او نوان جتوئي سڪندر چانگ ٻڌايو ته ھن مھل تائين وارثن اسان سان رابطو نه ڪيو آھي، جيئن رابطو ڪندا، اسان وارثن سان تعاون ڪنداسين، اسان بہ اغوا جو چوٻول ٻڌون پيا.
