ماتلي جي غريب آباد پاڙي جو رھواسي سجاد نوتڪاڻي نظرپور پوليس کان تنگ ٿي پريس ڪلب پھچي ويو. هن چيو ته ٽنڊو غلام حيدر تعلقي جي نظر پور ۾ ھلندڙ منشيات ۽ پوليس انچارج جي سرپرستي واريون پوسٽون سوشل ميڊيا تي رکڻ بعد نظرپور پوليس پوسٽ جو انچارج يعقوب جکرو سندس جان جو دشمن بڻجي چڪو آھي، ھو مون کي ڪوڙن ڪيسن ۾ ڦاسائڻ ۽ ھاف فرا ڪرڻ جو ڌمڪيون ڏئي رھيو آھي. سجاد نوتڪاڻي ٻڌايو ته گذريل رات يعقوب جکرو پنهنجن سپاھين سان گڏجي بغير ليڊيز پوليس جي منهنجي غير موجودگي ۾ آڌي رات جو گهر ۾ داخل ٿي سامان جي ڀڃ ڊاهھ ڪئي، عورتن سان بدتميزي ڪندي ڌمڪيون ڏنيون، يعقوب جکري مان جاني ۽ مالي خطرو آھي، منشيات فروشن خلاف ڪارروائي ڪري تحفظ ڏنو وڃي.
