لاڙڪاڻي جي شهباز ڪالوني واسڻ عورت مڙس جي مبينا اغوا خلاف پنهنجي ٻارڙن سان گڏجي پريس ڪلب اڳيان احتجاج ڪيو. ان موقعي تي مهرالنساءَ واهوچو دانهيو ته مڙس سڪندر علي واهوچو جو پنهنجي ڀائرن شيخ زيد ڪالوني ۾ رهندڙ ممتاز علي، نياز علي ۽ صفدر علي واهوچو وارن سان ڏيتي ليتي جو مسئلو هلندڙ آهي، جن مٿان منهنجي مڙس سچل ٿاڻي تي ايف آءِ آر داخل ڪرائي جنهن ڪيس ۾ ضمانت لاءِ ڪالهه ڏير عدالت آيا. هن الزام لڳايو ته عدالت ۾شنوائي بعد مڙس گهر پئي آيو ته رستي تان ڏيرن کيس اغوا ڪرڻ بعد گم ڪري ڇڏيو آهي، جنهن جو موبائيل نمبر بند آهي. خدشو آهي ته ڏير مڙس کي قتل ڪندا.
