سڳيون ڀرسان سولر پليٽن مان باهه لڳڻ سبب 6 گهر ۽ 2 اوطاقون سڙي خاڪ جو ڍير ٿي ويون. رپورٽ موجب سڳيون ڀرسان ڳوٺ ڪامل ڀٽي ۾ ڇهن گهرن کي سولر پليٽن جي تارن مان باهه لڳي وئي، جنهن جي نتيجي ۾ عزيز الله ڀٽي جون 18 سولر پليٽون، يو پي ايس ۽ ٻيو قيمتي سامان سڙي ويو. ٻئي طرف غلام ڀٽي، عزيز الله ڀٽي، مينهل ڀٽي، پنهل ڀٽي، واحد بخش ڀٽي ۽ صدوري ڀٽي جي گهرن ۽ اوطاق کي باهه وڪوڙي ورتو، جنهن سبب گهرن ۽ اوطاق ۾ پيل سمورو سامان سڙي خاڪ ٿي ويو، جڏھن ته ڳوٺاڻن پنهنجي مدد پاڻ تحت باهه وسائڻ جي ڪوشش ڪئي، تيستائين 6 گهرن سوڌو ٻن اوطاقون مڪمل سامان سميت سڙي ويون. هوڏانهن اطلاع باوجود فائر برگيڊ عملو نه پهتو. باهه سبب گهرن ۾ پيل اناج، هنڌ، کٽون ۽ لکين رپين جو سامان سڙي خاڪ جو ڍير ٿي ويو. جڏهن ته سندن واهر لاءِ ڪوبه نمائندو يا انتظاميا پهچي ناهي سگهي. باهه متاثر کليل آسمان هيٺ بي يارو مددگار ويٺل آهن.
