ناڻي واري وزير مفتاح اسماعيل چيو اهي ته وزيراعظم جي هدايت تي پيٽرول جي قيمت ۾ اضافو نه پيو ڪيو وڃي، موجوده حالتن ۾ قوم تيل اسمن جي قيمتن ۾ واڌ جي سٽ نٿي سگهي سگهي، عمران خان جيڪو ڌرڻا ڌرڻا کيڏي رهيو آهي، ان سان ملڪ کي نقصان ٿيندو عمران خان جو لانگ مارچ فرح گوگي کي بچائڻ لاءِ آهي، هن هميشه ذاتي سياست کي پاڪستان جي مفادن تي ترجيح ڏني آهي، اڄ ملڪ ۾ ٻارڻ جو بحران عمران خان جي ڪري آهي، شوڪت ترين ٻڌائي ته پئسا ڪٿي ڇڏي ويا آهن عمران خان ۽ شوڪت ترين جي معاهدي جو نتيجو اسان ڀوڳي رهيا آهيون، هي ڪوڙ ڳالهائي ٿو ۽ ڪي پئسا ڇڏي ناهي ويو، هر هنڌ بارودي سرنگهون وڇائي ويا آهن، عمران خان جي ڪري ڪروڙين ماڻهو غربت ۾ ويا، اڳوڻي ناڻي واري وزير شوڪت ترين آئي ايم ايف سان جيڪي معاهدا ڪيا، ان تحت پيٽرول جي قيمت ۾ 100 رپيا في ليٽر ۽ ڊيزل جي قيمت ۾ 150 رپيا في ليٽر وڌائڻا پوندا، اسٽيٽ بئنڪ کي وياج جي شرح ۾ اضافو ڪرڻو پئجي سگهجي ٿو. صحافين سان ڳالهائيندي مفتاح اسماعيل چيو ته اڳوڻي حڪومت آئي ايم ايف سان اهو واعدو ڪيو هو ته نه صرف ٻارڻ تي سبسڊي ختم ڪنداسين پر ان تي في ليٽر 30 رپيا ٽيڪس لڳائينداسين. هن چيو ته عمران خان ۽ شوڪت ترين جي فارمولي سان مون کي 70 رپيا سبسڊي ختم ڪري 250 رپيا في ليٽر ملندڙ پيٽرول تي 17 سيڪڙو ٽيڪس لڳائيندي ان جي قيمت ۾ 150 رپيا اضافو ڪرڻو پوندو. منهنجي وزيراعظم چيو آهي ته هن وقت هي قوم قيمتن ۾ واڌ جي سٽ نٿي سگهي سگهي، تنهنڪري مان آئي ايم ايف وٽ ويندس ۽ چوندس ته مان مڃان ٿو ته اڳوڻي ناڻي واري وزير شوڪت ترين هي واعدو ڪيو آهي ته اهي قيمتون وڌائيندا پر اسان کي ان لاءِ ڪجهه وقفو ڏنو وڃي. هن چيو ته اسان هڪ کان ڏيڍ مهينو سبسڊي کي ڇڪيو آهي ۽ شوڪت ترين صاحب جڏهن هي چوي ٿو ته هو سبسڊي جي فنڊنگ ڇڏي ويا هئا ته مون کي کل اچي ٿي، شوڪت ترين هن عمر ۾ اهڙيون ڳالهيون ڪري ٿو، جهڙيون عمران خان جا نوجوان سپورٽرز ڪري رهيا آهن. هن چيو ته مان اوهان کي يقين سان ٻڌائي رهيو آهيان ته مان ناڻي وارو وزير بڻجڻ کان هڪ ٻه ڏينهن اڳ فنانس سيڪريٽري سان ملاقات ڪئي هئي، ان جيڪي دستاويز مون کي ڏيکاريا، ان مطابق هلندڙ سال لاءِ هڪ هزار 3 سئوارب رپين جو شروعاتي خسارو مختص ڪيو ويو، جنهن ۾ 56 ارب رپيا وفاقي حڪومت جو خسارو هو. هن چيو ته شوڪت ترين چوي ٿو ته پئسا ڇڏي ويا هئا، اهو ڪوڙ آهي، اوهان جيڪو معاهدو ڪيو هو، اوهان معاهدي جي ڀڃڪڙِي ڪري رهيا آهيو. مفتاح اسماعيل چيو ته هي ماڻهو 20 هزار ارب رپين جو قرض وٺي ويا آهن. شوڪت ترين پاڪستان جي تاريخ جو سڀ کان وڏو خسارو ڇڏي ويو آهي هلندڙ سال پوري پاڪستان جو خسارو 5 هزار ارب رپيا ۽ وفاق جو خسارو 5 هزار 600 ارب رپيا ٿيندو هي به پاڪستان جي تاريخ جو سڀ کان وڏو خسارو آهي.
