تعلقي ڳڙهي ياسين جي ڳوٺ نور حسن جکراڻي ۾ مبينا گولي لڳڻ جي نتيجي ۾ 5 ورهين جو نينگر عظمت جکراڻي زخمي ٿي پيو، جنهن کي وارثن چانڊڪا اسپتال آندو. زخمي نينگر جي وارثن ٻڌايو ته ڳوٺ ميان داد جکراڻي جي رهواسي الھڏنو جکراڻي ۽ ڳوٺ پير جان جکراڻي واسي قاسم جکراڻي جي ڌرين ۾ پراڻو تڪرار هلندڙ آهي، ٻنهي ڳوٺن جي وچ ۾ اسان جو ڳوٺ موجود آهي، اڄ الھڏنو جکراڻي ۽ قاسم جکراڻي وارن هڪٻي مٿان فائرنگ ڪئي، نتيجي ۾ راند ڪندڙ نينگر عظمت جکراڻي گولي لڳڻ سبب سخت زخمي ٿيو آهي، جنهن کي اسان اسپتال آندو آهي ۽ واقعي جو اطلاع ٿاڻي تي ڏنو آهي. هوڏانهن ڊاڪٽرن زخمي نينگر عظمت جکراڻي جي حالت ڳڻتي جوڳي ٻڌائي آهي.
