ڦلجي اسٽيشن (ن، سنڌ ايڪسپريس ) ڦلجي اسٽيشن ۾ بي ايڇ يو کي اپ گريڊ نه ڪرڻ خلاف ايس ٽي پي ڪارڪنن فاضل راهو چوڪ کان ريلي ڪڍي پريس ڪلب اڳيان مظاهرو ڪيو. ان موقعي تي سيد زاهد شاهه، برڪت علي پنھور، عرفان راجپوت، مظھر علي جهتيال، اعظم علي پنھور، خادم حسين ملاح، قائم الدين پنهور ۽ ٻين چيو ته دادو تعلقي جي وڏي آبادي واري شھر ڦلجي اسٽيشن جي اسپتال ۾ علاج جون سهولتون موجود ناھن. ڪيترائي مريض ايمرجنسي ۾ سيوهڻ دادو ويندي رستي ۾ ئي فوت ٿي وڃن ٿا پر چونڊيل نمائيندن توڙي انتظاميا جي ڪن تي جون به نٿي چري. هنن مطالبو ڪيو ته اسپتال کي اپ گريڊ ڪيو وڃي.
