پڊعيدن ۾ صفائي نه ٿيڻ خلاف شهرين جو احتجاج

پڊعيدن ٽائون ڪميٽي جي وارڊ 6 ۾ صفائي نه ٿيڻ خلاف رهواسين احتجاجي مظاهرو ڪيو. رهواسين بشير خاصخيلي، علي نواز، نذير احمد، محمد آچر، عمر ملڪ، شڪيل ملڪ، عارب انصاري، نثار احمد ۽ ٻين حاجي عبدالهادي رائيس مل سامهون احتجاج ڪندي چيو ته وارڊ نمبر 6 ۾ گندگي ۽ گٽرن جو گندو پاڻي گهٽين ۾ بيٺو آهي، دانهيندي 6 مهينا گذري ويا آهن پر ٽائون انتظاميه ڪوبه تدارڪ نه ڪيو آهي، مجبور ٿي احتجاج جو سهارو ورتو آھي. هنن مطالبو ڪيو ته شھر جي صفائي ڪرائي بيمارين کان بچايو وڃي.