پاڻي کوٽ ۽ مهانگائي خلاف ايس يو پي جا مختلف شهرن ۾ مظاهرا

سنڌ ۾ پاڻي جي کوٽ ۽ مهانگائي خلاف ايس يو پي جي مرڪزي سڏ تي ٻئي ڏينهن به مختلف شهرن ۾ مظاهرا ڪيا ويا. ان ڏس ۾ مورو، شاهپورجهانيان سڪرنڊ، ڪنڌڪوٽ، لاڙڪاڻي، ڏوڪري، ميهڙ، دادو، سجاول، نيوسعيد آباد ۾ ريلي ڪڍي وئي. ان موقعي تي هنن چيو ته سنڌ ۾ پاڻي کوٽ جي ڪري فصل سڪي رهيا آهن. مهانگائي عوام جو جيئڻ حرام ڪري ڇڏيو آهي. غريب ماڻهو خودڪشي ڪرڻ تي مجبور آهن. اڳواڻن مطالبو ڪيو ته سنڌ کي پنهنجي حصي جو پاڻي ڏنو وڃي ۽ مهانگائي جو طوفان گهٽايو وڃي.