ميان صاحب ويجهو ڳوٺ حسين بخش کوسي ۾ باهه لڳڻ سبب 4 گهر سڙي ويا. جڏهن ته گهرن ۾ بيٺل 4 ٻڪريون سڙي مري ويون. گهر جي چلهه مان اٿيل چڻنگ سبب باهه لڳڻ ڪري پورهيتن ڀورو کوسو، لياقت کوسو، منظور کوسو ۽ خيربخش کوسي جا گهر سڙي ويا. گهرن ۾ پيل کٽون، بسترا، لٽا ڪپڙا، اناج سڙڻ سميت الهه تلهه سڙي ويو. ٻئي طرف خير بخش کوسو جي گهر ۾ بيٺل چار ٻڪريون به سڙي مري ويون. اطلاع باوجود فائر برگيڊ گاڏي نه پهتي. متاثر ڳوٺاڻن پنهنجي مدد پاڻ تحت باهه وسائڻ جي ڪوشش ڪئي پر ڏسندي ئي ڏسندي سڀ ڪجھه سڙي ويو. متاثر کليل آسمان هيٺان ويٺل آهن. متاثرن ڊي سي شڪارپور، چونڊيل نمائندن ۽ سرندي وارن کي واهر جي اپيل ڪئي.
