ڊکڻ ۾ شهرين بجلي جي لوڊشيڊنگ رتوديرو خلاف احتجاجي ريلي ڪڍي، وڏي علم پاڪ چوڪ کان نڪتل ريلي شهر جي مختلف چوڪن چوراهن کان ٿيندي مين بس اسٽيڊ تي پهتي، جتي شهرين ڌرڻو هڻي شڪارپور رتوديرو انڊس هاءِ وي روڊ بلاڪ ڪري ڇڏيو، ان موقعي تي شعيب محمود سيال، جميل شيخ، سليم جيهو، اسلم لاشاري، سلمان سومرو ۽ ٻين چيو ته ڊکڻ واسين سان هفتي کان سيپڪو رتوديرو جي ناجائزي جاري آهي، شهر ۾ هٿرادو لوڊشيڊنگ ڪئي پئي وڃي، جڏهن ته 20 لکن تائين شهري بجليءَ جا بل ادا ڪري رهيا آهيون ان باوجود 24 ڪلاڪن ۾ صرف ڏيڍ ڪلاڪ بجلي ڏني ٿي وڃي.
