نوان جتوئي ڀرسان مٺياڻي روڊ تي سهڙا اسٽاپ وٽ ڳوٺ سهڙا جي رھواسين بجلي جي ٽرانسفارمر لا مظاھري ڪيو. ان موقعي تي واحد بخش سومرو، عامر ڪوريجو، غلام حيدر چنا، مسلم ڪوريجو، معراج سنڌي، فاروق سولنگي، ممتاز چنا، مجيب ڪوريجو، منير ڪوريجو ۽ ٻين دانهيو ته اسان جي ڳوٺ جو بجلي جي ٽرانسفارمر کي چوري ٿئي 10 مهينا ٿي ويا آھن، فريد ديرو ٿاڻي تي ايف آ آر پڻ درج آھي پر فريد ديرو پوليس چوري ٿيل بجلي جو ٽرانسفارمر واپس نه ڪرايو آھي، نه وري چونڊيل نمائندا بجلي جو ٽرانسفارمر ڏيارڻ لاءِ سجينده آھن. 10 مهينن کان بجلي ناھي، اسان عذاب واري زندگي گذارڻ تي مجبور آھيون. ھنن طالبو ڪيو ته ڳوٺ کي بجلي جو ٽرانسفارمر ڏنو وڃي.
