ميرو خان جي حضوري پاڙي جو رهواسي 16 ورهين جو نائين ڪلاس جو شاگرد ۽ قرآن پاڪ جو حافظ فضل الرحمان بکراڻي ڏيڍ مهيني کان لاپتا بڻيل آهي. ان حوالي سان نوجوان فضل الرحمان جي پيءُ حافظ محمد يعقوب بکراڻي تعلقه پريس ڪلب ميروخان پهچي دانهيندي چيو ته پٽ 9 جون تي معمولي ڳالهه تان ڪاوڙجي نڪتو ته واپس ناهي آيو، مٽن مائٽن ۽ دوستن وٽ گهڻي ڳولا ڪرڻ باوجود ڪٿان به ڏس پتو نه ملي سگهيو آهي. هن ٻڌايو ته پٽ فضل الرحمان وٽ 2 موبائيل سمون آهن جن جا نمبر مسلسل بند آهن، جنهن ڪري اسان گهڻو پريشان آهيون. پوليس، قانون لاڳو ڪندڙ ادارن سميت وس وارن کي اپيل آهي ته پٽ جي ڳولا ۾ مدد ڪن. هوڏانهن ميرو خان ٿاڻي تي فضل الرحمان بکراڻي جي گمشدگي جي پيءُ محمد يعقوب بکراڻي پاران اين سي داخل ڪئي وئي، جنهن کانپوءِ پوليس جديد ٽيڪنالاجي جي مدد سان نينگر جي ڳولا شروع ڪري ڇڏي.
