ڏوڪري ويجهو ڳوٺ ڇتو واهڻ جي رهواسي 13 ورهين جو نوجوان ويلڊنگ مستري شاگرد فرحان علي ابڙو 3 ڏينهن کان گم ٿي ويو. ڏوڪري ۾ ويلڊنگ جي دڪان تي ڪم ڪندڙ شاگرد ڇتو واهڻ جي رهواسي 13 ورهين جو نوجوان فرحان علي پٽ احسان علي ابڙو 3 ڏينهن اڳ ويلڊنگ دڪان تان ڪنهن معاملي ڳالھه تان ڪاوڙجي نڪري ويو، جيڪو هن وقت تائين گهر واپس نه آيو آهي. ان سلسلي ۾ سندس پيءُ احسان علي ابڙو ٻڌايو ته پٽ ڏوڪري ۾ ويلڊنگ دڪان تي ڪم ڪندو هو، دڪان تان معمولي ڳالهه تان ڪاوڙجي گم ٿي ويو آهي، ڪافي ڳولا باوجود ڏس پتو نه پئجي سگهيو آهي. اهڙو اطلاع ٿاڻي تي ڏنو آهي، اسان انتهائي سخت پريشان آهيون. پوليس اختياريون نوٽيس وٺي پٽ جي ڳولا ۾ مدد ڪن.
