باقراڻي ويجهو خير محمد آريجا واسي 17 ورھين جو چنگچي رڪشا ڊرائيور رضوان علي ولد اياز حسين ڪلھوڙو 13 ڏينهن کان چنگچي سميت گم آهي. ڪافي ڳولا باوجود سندس ڏس پتو نه پئجي سگهيو. ان سلسلي ۾ پورھيت اياز حسين ڪلھوڙو پريس ڪلب پهچي ٻڌايو ته 17 ورھين جو پٽ رضوان علي ڪلھوڙو خير محمد آريجا کان لاڙڪاڻي تائين چنگچي رڪشا هلائيندو ھو، 13 ڏينهن اڳ لاڙڪاڻي ويو، جنهن بعد واپس گھر نه پھتو آهي، ھن چيو ته ڪافي ڳولا ڪئي پر سندس پتو نه پئجي سگھيو آهي. ھن چيو ته اين سي داخل ڪرائي آهي. ھن ايس ايس پي سرفراز نواز شيخ کي اپيل ڪئي ته پٽ جي ڳولا ۾ مدد ڪئي وڃي.
