لاڙڪاڻو پوليس مبينا مقابلي ۾ ڏوهاري کي موٽرسائيڪل ۽ هٿيارن سميت گرفتار ڪري ورتو. رپورٽ موجب ڳڙهي خدابخش ڀٽو ٿاڻي جي پوليس ڪوٽ ڀٽو گيس پائيپ لائين وٽ ڏوهارين سان مقابلي ۾ ڳوٺ ٻچو واهڻ واسي ڏوهاري واجد ولد نظام الدين جوڻيجو کي موٽرسائيڪل، رپيٽر ۽ ڪارتوسن سميت گرفتار ڪري ورتو. ايس ايس پي آفيس مان جاري ڪيل پڌرائي ۾ ڄاڻايو ويو ته گرفتار ڏوهاري ڌاڙن ۽ موٽرسائيڪل ڦرن جي وارداتن ۾ ملوث آهي، جنهن 8 جولا تي ڳڙهي خدابخش ڀٽو وٽان شهري عبدالغفار سومري کان موٽرسائيڪل ڦري هئي، ان مٿان مقابلي ۽ ڦر جا 2 ڌار ڪيس داخل ڪري جاچ شروع ڪئي وئي آهي.
