پوليس ڪچي ۾ ڪارروائي ڪندي ٻن مغوين کي بازياب ڪرائڻ جي دعوى ڪئي. ان سلسلي ۾ ناپر ڪوٽ پوليس ڳڙهي تيغو جي ڪچي ۾ ڪارروائي ڪندي 6 مهينا اڳ اغوا ٿيل پورهيت صادق لاشاري کي مقابلي بعد بازياب ڪرائي ورتو. پوليس موجب ڌاڙيل مغوي کي هڪ هنڌ کان ٻي هنڌ شفٽ ڪري رهيا هئا ته ڳجهي اطلاع ملڻ تي ڪارروائي ڪئي ته ڌاڙيلن سان مقابلو ٿي پيو، مقابلي دوران ڌاڙيل مغوي صادق لاشاري کي ڇڏي فرار ٿي ويا. هوڏانهن ڪشمور جي ڪچي واري علائقي گهيلپور ٿاڻي جي ايس ايڇ او شفيع محمد بنگوار ڌاڙيلن سان مقابلو ڪندي هڪ هفتو اڳ گهوٽڪي مان عورتاڻي آواز تي هرکجي اغوا ٿيل پنجاب جي شهر نارووال جي رهواسي محمد شفیيق ولد محمد صديیق گجر کي پوليس مقابلي بعد بازياب ڪرائي ورتو. ايس ايڇ او گيھلپور شفيع محمد بنگوار صحافين سان ڳالهائيندي چيو ته ڳجهي اطلاع مليو ته هٿياربند مغوي کي هڪ هنڌ کان ٻئي هنڌ منتقل ڪري رهيا آهن اسان جي پهًچڻ تي هٿياربندن فائرنگ ڪري ڏني ۽ مقابلو ٿي پيو، پوليس جي جوابي فائرنگ بعد هٿياربند مغوي کي ڇڏي فائرنگ ڪندا فرار ٿي ويا. آخري اطلاعن تائين واقعي جو ڪيس داخل نه ٿي سگهيو هو ۽ نه ئي ڪا گرفتاري عمل ۾ اچي سگهي هئي.
