حڪومت صحافي وقار ستي کي تحفظ فراهم ڪري:آصف زرداري

اڳوڻي صدر آصف علي زرداري صحافي وقار ستي تي ڪيس داخل ڪرڻ جي سخت لفظن ۾ مذمت ڪندي چيو آهي ته اختلاف جي بنياد تي هڪ صحافي جي حياتي سان کيڏڻ مذمت جوڳو عمل آهي. بلاول هائوس ميڊيا سيل مان جاري ڪيل بيان ۾ اڳوڻي صدر چيو ته صحافي وقار ستي اهو بيان ڪيو، جيڪو سياستدان ميڊيا تي چيو، ڪنهن سياستدان تي تنقيد کي مذهب تي تنقيد سان ڳنڍڻ خطرناڪ رجحان آهي. آصف زرداري چيو ته وفاقي حڪومت صحافي وقار ستي کي قانوني امداد ۽ تحفظ فراهم ڪري.