قمبر ۾ پ پ ش ڀ فاطمه فالوئرس پاران احتجاجي مظاهرو

قمبر ۾ پ پ شهيد ڀٽو فاطمه فالوئرس پاران احتجاجي مظاهرو ڪيو ويو. ان موقعي تي برڪت علي ميرجت،محمد جان بروهي، اياز ميرجت، الله ڏنو گوپانگ ۽ ٻين دانهيندي چيو ته برسات متاثر بي يارو مددگار بڻيل آهن، جن بنيادي سهولتون نه ٿيون ڏنيون وڃن. قمبر ميونسپل ڪاميٽي جي نااهلي ڪري شهر ۾ گندو پاڻي روڊن رستن تي بيٺل آهي، جڏهن ته ڪروڙين رپين جي بجيٽ هوندي ڪٿي به ڪو بهتر ڪم ڏسڻ ۾ نه پيو اچي. هنن اختيارين کان گهر ڪئي ته نوٽيس وٺي جلد شهر کي صاف ڪيو وڃي.