تنگواڻي ويجهو ڦر جي رادي سان بيٺل هٿياربندن موٽرسائيڪل سوار پوليس اهلڪارن مٿان فائرنگ ڪري پوليس اهلڪار کي شهيد ڪري ڇڏيو. هڪ اهلڪار زخمي ٿي پيو. خبر موجب تنگواڻي پوليس ٿاڻي جي حد ويجهو حيات کوسو پوليس چوڪي وٽ تنگواڻي مانجهي روڊ تي ڦر جي ارادي سان بيٺل هٿياربندن ۽ پوليس ۾ مقابلو ٿي پيو. هٿياربندن موٽرسائيڪل سوار پوليس اهلڪارن مٿان فائرنگ شروع ڪري ڏني. فائرنگ ۾ گوليون لڳڻ سبب پوليس اهلڪار 38 ورهين جو عبدالنبي بجاراڻي موقعي تي شهيد ٿي ويو. جڏهن ته ٻيو اهلڪار مقبول بجاراڻي زخمي ٿي پيو. جنهن بعد هٿياربندن ۽ پوليس وچ ۾ فائرنگ شروع ٿي وئي پر هٿياربند آساني سان ٻيلي ۾گهڙي فرار ٿي ويا. واقعي بعد ايس ايس پي ڪشمور مختلف ٿاڻن جي پوليس سميت ٻيلي واري هنڌ پهچي هٿياربندن جي ڳولا شروع ڪئي پر هٿياربند فرار ٿيڻ ۾ ڪامياب ٿي ويا. جڏھن ته شھيد اهلڪار جو لاش گهر پهچڻ تي وارثن ۾ڪهرام مچي ويو. فائرنگ سبب پوري علائقي ۾ خوف هراس ڇانئجي ويو. آخري اطلاعن تائين واقعي جو ڪيس داخل نه ٿي سگهيو هو.
