ماتلي ۾ ھڪ مھيني سڙيل ٽرانسفارمر تبديل نه ٿيڻ خلاف ايس ٽي پي ڪارڪنن ۽ رهواسين ڦلڪارا چوڪ کان ريلي ڪڍي بس اسٽاپ چوڪ تي ڌرڻو ھڻي احتجاج ڪيو. ان موقعي تي اسلم مھندو، گل محمد شاهه، ذوالفقار شاهه، خالد مگسي ۽ ٻين چيو ته شھر جي مک ڪاروباري علاٽٔقي ڦلڪارا چوڪ ۾ لڳل بجلي جو ٽرانسفارمر هڪ مھيني خراب آهي پر اڃان تائين اھو تبديل نه پيو ڪيو وڃي، جنهن سان علائقو اونداهه ۾ ٻڏل آھي. ڪاروبار سخت متاثر ٿي رھيو آھي. ھنن چيو ته بار بار حيسڪو اختيارين کي شڪايتن باوجود ٽرانسفارمر تبديل نه ڪيو ويو آھي. ھنن ٽرانسفارمر جي فوري تبديلي جي گھر ڪئي.
