لاڙڪاڻي جي گورنمينٽ لٽل فوڪس گرلس هاءِ اسڪول جي اسٽاف تدريسي عمل شروع نه ٿيڻ خلاف پريس ڪلب اڳيان احتجاجي مظاهرو ڪيو. ان موقعي تي ڪلارڪ عبداللطيف کوسو، اميربخش، خان محمد لغاري، ڪامران رضا ڀٽي، حافظ عبدالستار ابڙو، شير محمد ڇڄڙو ۽ بين دانهيندي چيو اهي ته لاڙڪاڻي ضلعي جا اسڪول ٻوڏ متاثرن کان خالي ڪرايا ويا آهن پر جناح باغ ۾ قائم گرلز ها اسڪول اڃا تائين متاثر ويٺل آهن، جنهن ڪري تدريسي عمل شروع نه ٿي سگهيو آهي. اسڪول ۾ والدين هر روز اچي معلوم ڪندا آهن ته اسڪول ڪڏهن کلندو؟ جن کي اسان جواب ڏئي ڏئي ٿڪجي پيا آهيون. هنن سنڌ حڪومت ۽ ضلعي انتظاميه کان گهر ڪئي ته نوٽيس وٺي فوري طور گورنمينٽ لٽل فوڪس گرلس هاءِ اسڪول ۾ رهندڙ متاثرن کي پنهنجي ماڳن ڏانهن روانو ڪري اسڪول ۾ تدريسي عمل شروع ڪيو وڃي.
