سن ويجهو منظور آباد ڀرسان لڏو کڻي ويندڙ ٻوڏ متاثرن جي ڊاٽسن ڪلٽي ٿيڻ سبب عورتن ۽ ٻارڙن سميت 10 ڄڻا زخمي ٿي پيا. منظور آباد ويجهو ڳوٺ زيمي وٽ انڊس ها وي تي ميرپورخاص کان سيوھڻ طرف لڏو کڻي ويندڙ ٻگهيا برادري جي ٻوڏ متاثرن جي ڊاٽسن ٽائر برسٽ ٿيڻ جي نتيجي ۾ ڪلٽي ٿي پئي، جنهن جي نتيجي ۾ 4 ٻارڙن ۽ عورتن سميت 10 ڄڻا زخمي ٿي پيا. روڊ حادثو ٿيندي ڏسي وڏي انگ ۾ ڳوٺاڻن واقعي واري هنڌ پھچي زخمين کي ڦاٿل ڊاٽسن مان پنهنجي مدد پاڻ تحت ٻاھر ڪڍي ايڌي ايمبولينس ذريعي اسپتال منتقل ڪيو. زخمين جي سڃاڻپ ۾ 8 ورھين جو فيصل، 7 ورهين جو امجد، 3 ورهين جو امين، 7 مھينن جي زمر جڏهن ته عورت شبانا ٻگهيو ۽ ڊرائيور ارباب ٻگهيو طور ٿي آهي، جڏهن ته ڊاٽسن ۾ ٽوٽل 12 کان وڌيڪ ٻوڏ متاثر سوار هئا.
