ڏوڪري ويجهو ڳوٺ محمد خان چانڊيو جو اسڪول ۾ معصوم ٻارڙا هيٺ پَٽَ تي ويهي تعليم حاصل ڪرڻ تي مجبور آھن، جڏھن ته تعليم کاتي طرفان ڪا سهولت مليل ناهي، معصوم ٻارڙا اسڪول ۾ سهولتون نه هجڻ سبب پريشاني جو شڪار آھن. ان موقعي تي اسڪول جي معصوم شاگردن توڙي ڳوٺاڻن سڄڻ علي، ممتاز علي، عاشق علي، لاهوتي مکڻ ۽ ٻين جو چوڻ آهي ته اسڪول بلڊنگ به بهتر آهي ۽ بهترين استاد ٻارڙن کي تعليم ڏئي رهيا آهن پر هتي ڪيتريون بنيادي سهولتون موجود ناهن. هنن چيو ته اسڪول ۾ نه فرنيچر، پيئڻ جو صاف پاڻي، سولر ۽ ٻيون سهولتون اڻلڀ آھن، جنهن لاءِ ڪيترائي ڀيرا آفيسرن کي چيو آهي پر هن وقت تائين ڪو تعليم کاتي جو آفيسر ٻڌڻ لا تيار ئي ناهي. هنن ڊي اي او لاڙڪاڻو ۽ ٽي اي او ڏوڪري کي اپيل ڪئي ته اسڪول ۾ سهولتون ڏيئي شاگردن جي بيچيني ختم ڪئي وڃي.
